Norveçin xarici işlər naziri Espen Bart Eide bildirib ki, ölkəsi Finlandiyanın piyada əleyhinə mina müqaviləsindən çıxmaq qərarını pisləyib.

“İki sahil” xəbər verir ki, o, bu barədə Reuters agentliyinə bildirib.

"Biz Finlandiyanın bu qərarından təəssüflənirik" - deyə, o, qeyd edib.

Norveçin xarici işlər naziri həmçinin vurğulayıb ki, ölkəsi bəzi digər ölkələr kimi piyada əleyhinə minaları qadağan edən beynəlxalq müqavilədən çıxmayacaq.

Bundan əvvəl məlum olmuşdu ki, Finlandiya piyada əleyhinə minaların istifadəsini, yığılmasını, istehsalını və ötürülməsini qadağan edən Ottava Konvensiyasından çıxmaq üçün hazırlıqlara başlamaq qərarına gəlib.