Dünyanın ən nüfuzlu riyaziyyat olimpiadalarından biri olan SASMO (Singapore and Asian Schools Math Olympiad) qaliblərinin medal təqdimetmə mərasimi Bakı Ali Neft Məktəbində keçirilib.

“İki sahil” xəbər verir ki, 50-dən çox ölkədən 100 minə yaxın şagirdin qatıldığı olimpiadada Azərbaycandan iştirak edən 1630 şagird qızıl, gümüş və bürünc medallarla təltif olunub. 

Riyazi və məntiqi suallardan ibarət olan SASMO gənclərin riyaziyyata marağını artırmaqla yanaşı, onların yaradıcılıq, məntiqi düşüncə və beynəlxalq uğur qazanma əzmini gücləndirir.