“İki sahil” qəzeti “billionnews.ru” saytına istinadən xəbər verir ki, Almaniyanın “Audi” şirkəti böyük arzusuna bir addım da yaxınlaşıb.

Şirkət ekoloji təmiz, tərkibi su və karbon qazından ibarət olan sintetik dizel hazırlayıb. Yeni yanacağa “E-dizel” adı verilib. İlk olaraq, bu dizellə Almaniyanın təhsil naziri “Audi A8” markalı xidməti maşınını doldurub.

“Audi”nin sintetik yanacaq hazırlayan ilk belə zavodu Drezden şəhərində açılıb. Bərpa olunan mənbələrdən alınan elektrik enerjisi hesabına hazırlanan bu yanacağı “mavi yanacaq” da adlandırırlar. Onun tərkibində kükürd və yağ yoxdur və bu da həmin yanacağı ətraf mühit üçün təhlükəsiz edir.