Fövqəladə Hallar Nazirliyinə məxsus təyyarənin İsrailə göndərilməsi üçün hazırlıq işlərinə başlanılıb

İsrail Dövlətinin Hökuməti bu ölkədə tüğyan edən meşə yanğınları ilə əlaqədar müvafiq köməyin göstərilməsi üçün Azərbaycan Respublikası Hökumətinə müraciət edib.

Fövqəladə Hallar Nazirliyinin mətbuat xidmətindən bildiriblər ki, bununla bağlı Azərbaycan Respublikasının Prezidenti İlham Əliyevin tapşırığına uyğun olaraq, Fövqəladə Hallar Nazirliyinə məxsus “BE-200ÇS” amfibiya tipli təyyarənin müvafiq yanğınsöndürmə avadanlıqları ilə İsrailə göndərilməsi üçün hazırlıq işlərinə başlanılıb.