Cenevrədə “Kristis”şirkətinin təşkil etdiyi hərracda nadir daşlardan sayılan  çəhrayı brilyant 18.1 milyon dollara satılıb. 9.14 karatlıq daş uğrunda qızğın mübarizə getsə də, Çindən gələn zəng digər alıcıların ümidlərinin üstündən xətt çəkib. Adının açıqlanmasını istəməyən bir şəxs telefonla daş üçün 18.1 milyon dollar ödəməyə hazır olduğun bildirib.

ATV.az xəbər verir ki, mütəxəssislər bu daşa  təxminən 16-17 milyon dollar qiymət qoymuşdu. Nadir brilyantın gözləniləndən baha qiymətə satılması “Kristis” şirkətinin rəsmilərini də razı salıb.

Hərracda diqqət çəkən  məqamlardan biri də fransızlara məxsus zərgərlik mağazasının istehsal etdiyi brilyant sırğanın inanılmaz qiymətə satılması olub. Gözəlliyi il göz oxşayan sırğa nə az, nə çox düz 17 milyon dollara satılıb.

Qeyd edək ki, bu il təsis edilməsinin  250 illiyini qeyd edən “Kristis" şirkəti son hərracda  təxminən  100 milyon dollarlıq  satışa imza atıb.