İsveçrə hökuməti 2036-cı ilədək Ukraynaya əlavə 5 milyard İsveçrə frankı ayırmağı planlaşdırır. Qərar Konfederasiyanın İqtisadiyyat üzrə Dövlət Katibliyinin açıqlamasına istinadən yayılıb.

“İki sahil” xəbər verir ki,  bu barədə İsveçrənin ictimai yayımçısı RTS məlumat yayıb.

Sənəddə bildirilir ki, İsveçrə Ukraynaya dəstək göstərməkdə mühüm rol oynamaqda davam etmək niyyətindədir. Hökumət ölkənin bərpası üçün uzunmüddətli öhdəlik götürmək qərarına gəlib və 2025–2036-cı illər ərzində ümumilikdə 5 milyard frank vəsait yönəldəcək.

Planlaşdırmaya əsasən: 2028-ci ilədək 1,5 milyard frank ayrılacaq. Bunun 342,25 milyon frankı artıq bu il köçürüləcək,

2029–2036-cı illər üçün nəzərdə tutulan qalan 3,5 milyard frankın maliyyələşdirilməsi məqsədilə Federal Council of Switzerland əlavə mənbələr tapmağı planlaşdırır.

Bu vəsaitlərin əsasən Ukraynanın bərpası, infrastrukturun yenidən qurulması və iqtisadi sabitliyin dəstəklənməsi üçün istifadə olunacağı bildirilir.