Bu ilin fevral ayında Azərbaycanda "Android" əməliyyat sisteminin bazar payı əvvəlki ayla müqayisədə 0,25 faiz bəndi azalaraq 36,02 faizə çatıb.

“İki sahil” xəbər verir ki, bu barədə "Global Stats" Statistika Mərkəzi məlumat yayıb.

Mənbənin məlumatına görə, Azərbaycan əməliyyat sistemləri bazarında populyarlıq üzrə ikinci yerdə "Microsoft Windows" məhsulları qərarlaşıb. Fevral ayında onların payı 31,2 faiz təşkil edib ki, bu da noyabr ayı ilə müqayisədə 0,29 faiz bəndi azalma deməkdir.

Üçüncü mövqedə isə 17,08 faiz bazar payı ilə "iOS" yer alır. Bu göstərici əvvəlki ayla müqayisədə 1,5 faiz bəndi çoxdur.