Pakistan qarşıdan gələn Ramazan bayramı və Səudiyyə Ərəbistanı, Qətər və Türkiyənin tələbi ilə Əfqanıstandakı hərbi əməliyyatlarını müvəqqəti olaraq dayandırdığını açıqlayıb.

“İki sahil” yazır ki, Pakistanın informasiya naziri Attaullah Tarar “X” sosial media hesabında bildirib ki, bu fasilə 18 mart gecə yarısından başlayacaq və 23 və 24 mart gecə yarısına qədər davam edəcək: “Pakistan sərhədləri daxilində hər hansı bir hücum və ya terror hadisəsi baş verərsə, əməliyyatlar yenidən başlayacaq”.

Xatırladaq ki, 22 fevralda Pakistan Əfqanıstanla sərhədi boyunca Pakistan Talibanı (TTP) tərəfindən törədildiyini iddia etdiyi son bombalamalara cavab olaraq "terror düşərgələri" adlandırdığı yeddi yeri hədəfə alıb.

Əfqanıstan hökuməti 26 fevralda İslamabadın sərhəd boyunca hərbi obyektlərinə hücumlarla cavab verib. Pakistan da Kabildə və sərhəd bölgəsindəki hədəflərə zərbələr endirməklə cavab verib.

Məhərrəm Ağalaroğlu, “İki sahil”