Türkiyə hökuməti geosiyasi proseslərin xarici ticarət balanslarına mənfi təsirini məhdudlaşdırmaq üçün xidmət sektoru şirkətlərinə böyük maliyyə yardımı paketi ayıracaq.

“İki sahil” xəbər verir ki, bu barədə Türkiyənin xəzinə və maliyyə naziri Mehmet Şimşek bildirib.

O, Nazirlər Kabinetinin iqtisadiyyatın real sektorunu, xüsusən də turizmi dəstəkləməyə sadiq olduğunu bildirib.

“Turizmi dəstəkləmək üçün birbaşa əlavə 60 milyard lirə (1,3 milyard dollardan çox) kredit ayrılacaq. Ümumilikdə, İslam bankçılığı və xidmət ixracı da daxil olmaqla, xidmət sektoruna 120 milyard lirə ayrılıb”, - deyə maliyyə naziri bildirib.

Nazir qeyd edib ki, bu addım inflyasiyaya səbəb olmadan xidmət bazarının daralmasının qarşısını alacaq.