Gürcüstanın Baş naziri İrakli Kobaxidze Tbilisidə səfərdə olan Kolumbiya Universitetinin professoru Ceffri Saks ilə görüşüb.

“İki sahil” xəbər verir ki, bu barədə AZƏRTAC-a Gürcüstan hökumət admnistrasiyasından məlumat verilib. Bildirilib ki, söhbət zamanı ölkədə davam edən islahatlar, Gürcüstanın investisiya və turizm potensialı, eləcə də ölkənin müxtəlif istiqamətlərdə əldə etdiyi irəliləyişlər müzakirə olunub.

Dünyada və regionda gedən proseslər, təhdidlər, sülh və təhlükəsizlik məsələləri diqqət mərkəzində olub. Gürcüstan hökumətinin regionda sülh və sabitliyin təşviq edilməsi səyləri vurğulanıb.