Qərbi Almaniyada, isti hava şəraitində hakimiyyət orqanları keçmiş poliqonda baş verən meşə yanğını səbəbindən Trayzen bələdiyyəsinin bütün sakinlərini təxliyə edib.

“İki sahil” xəbər verir ki, bu barədə "Tagesschau" nəşri məlumat yayıb.

Məqalədə qeyd olunur ki, yanğın səbəbindən "sursatla dolu" ərazidən təxminən 650 nəfər təxliyə edilib. Yanğın əvvəllər mərmilərin atıldığı təbiət qoruğunda baş verib. Yanğın köhnə sursatların partlamasına səbəb olub və bu da təcili yardım xidmətlərinin işini çətinləşdirib.

Hakimiyyət orqanlarının məlumatına görə, yanğın ötən günortadan sonra dik yamacda başlayıb. İyunun 28-də yanğın 2,7 hektar əraziyə yayılıb. Trayzen sakinləri qonşu bələdiyyədəki idman kompleksində yerləşdirilib. Təqaüdçülərə və üç yaşınadək uşaqları olan analara oteldə yerləşmə təklif olunub.