Avropa Komissiyası birliyin bütün ölkələrində internet platformalarından istifadəyə yaş məhdudiyyəti tətbiq etmək niyyətindədir.

“İki sahil” xəbər verir ki, bu barədə "Politico" nəşri sənəd layihəsinə istinadla məlumat yayıb.

Müvafiq təklif sentyabrın 17-də ictimaiyyətə açıqlanacaq. Məhdudiyyətlərin sosial şəbəkələrə, onlayn oyunlara, süni intellekt çat-botlarına və video paylaşma platformalarına şamil edilməsi təklif olunur.

Avropa Komissiyası, həmçinin şirkətləri birbaşa platformaların özündə təhlükəsizlik mexanizmləri yaratmağa məcbur etməyi planlaşdırır. Hələlik məhdudiyyətlər üçün konkret yaş həddi dəqiqləşdirilməyib.