Həndbol üzrə qadınların EHF Avropa Kubokunun ikinci təsnifat mərhələsində mübarizə aparan “Kür” klubu növbəti mərhələyə adlayıb.

“İki sahil” xəbər verir ki, Mingəçevir şəhərindəki “Kür” Olimpiya Tədris-İdman Mərkəzində Kiprin APOEL komandasına qarşı keçirilən cavab qarşılaşması təmsilçimizin 39:13 hesablı qələbəsi ilə başa çatıb.

Xatırladaq ki, oktyabrın 10-da komandalar arasında baş tutan ilk oyunda təmsilçimiz 40:18 hesabı ilə qalib gəlmişdi. İki oyunun cəminə əsasən inamlı üstünlük əldə edən “Kür” kollektivi növbəti mərhələyə vəsiqə qazanıb.

Qeyd edək ki, komandamızın növbəti rəqibi püşkatmadan sonra məlum olacaq.