Kimsə deyəndə ki, sizə 1 möcüzəvi qida məhsulundan danışacam,  insanın ağlına ilk gələn bu olur: o ya xərçəngi müalicə edəcək, ya da ona qalib gələcək. Hamımızın yaxşı  tanıdığı pomidor məhz belə qida məhsuludur. Belə ki, ekspertlər pomidoru mədə xərçəngi xəstəliyi ilə mübarizədə  ən effektli üsul hesab edirlər.

2013-cü ildə  "US National Library of Medicine National Institutes of Health" tibbi jurnalında qidada çox miqdarda qəbul edilən pomidorun  qastrit xərçənginə yoluxma riskini azaltması ilə bağlı məqalə nəşr olunub.  Lakin bu məlumatın həqiqətə uyğun olub-olmamasını yoxlamaq üçün  alimlər tərəfindən tədqiqat aparılmağa başlanıldı.

Ümumiyyətlə, mədə xərçəngində xərçəng hüceyrələri tez bir zamanda artaraq yayılma gücünə malikdir.  Əgər vaxtında müalicə olunmasa,  daha da arta və cərrahi müdaxiləyə və başqa problemlərə gətirib çıxara bilər. Elmə bu xəstəliyin səbəbi məlum olmayan bir vaxtda ekspertlər mədə xərçənginə  məhz bağırsaq iltihabının, poliplərin, infeksiyaların, daha da dəqiq desək, H.plori bakteriyasının səbəb olduğunu düşünürlər.

“Oxford Academic's Journal of National Cancer Institute" jurnalında nəşr olunan məqalədə  aparılan 12 təcrübədə  pomidorun tərkibindəki likopen adlı antioksidləşdirici maddənin  xərçəng hüceyrələri ilə mübarizə aparması öz əksini tapıb. Yapon alimləri apardığı tədqiqat zamanı yüksək  dozada qəbul edilmiş likopen maddəli qidanın mədə xərçəngi ilə mübarizə apardığının şahidi olublar. Bu yaxınlarda 1 qrup  italiyalı ekspert də  pomidorun mədə xərçəngini müalicə etdiyini elan ediblər. Onlar bunu pomidor ekstraktının  möcüzəvi təsiri ilə əlaqələndirirlər.

Leyla Şıxəliyeva, “İki sahil"