ABŞ-ın yeni sanksiyaları bu ölkəyə xam neft satışımıza təsir edəcək.
AZƏRTAC xəbər verir ki, bunu Venesuela Prezidenti Nikolas Maduro deyib.
“Apardığımız ilk araşdırmada ABŞ-ın yeni sanksiyalarının bu ölkəyə xam neft satışına mənfi təsir göstərəcəyi qənaətinə gəldik. ABŞ-ın bu addımı Venesuelanı pis vəziyyətə salmaqdır. Venesuelaya məxsus “Citgo” enerji şirkətinin ABŞ-da bağlanması isə təxribat məqsədi daşıyır”, - deyə o bildirib.
N.Maduro qeyd edib ki, lazım gələrsə Venesuela hökuməti hər gün ABŞ-a çatdırılan 700 min barrel neft üçün başqa bazarlar tapacaq.
