Noyabrın 24-dək ölkə üzrə 188 min 669,83 ton pambıq tədarük olunub.
Dövlət Statistika Komitəsindən AZƏRTAC-a bildiriblər ki, ötən gün 639,95 ton pambıq təhvil verilib.
Saatlı rayonunda 24844 ton, Biləsuvarda 23028 ton, Bərdədə 20246 ton pambıq tədarük edilib.
Xatırladaq ki, 2016-cı ildə ölkə üzrə, ümumilikdə, 88 min 596 ton pambıq yığılmışdı.
AZƏRTAC pambıq tədarükünə dair noyabrın 24-nə olan operativ məlumatı təqdim edir.
