Biləsuvarda taxıl əkini müvəffəqiyyətlə davam edir. Səpin kampaniyasına mütəşəkkil başlayan torpaq mülkiyyətçiləri əkini qısa müddətdə başa çatdırmaq üçün bütün imkanlardan istifadə edirlər.

Rayon Statistika İdarəsindən AZƏRTAC-ın bölgə müxbirinə bildiriblər ki, məhsul istehsalçıları səpin başlayandan bu günədək 21 min 380 hektar sahəyə toxum səpiblər. Bu da ötən ilin müvafiq dövrü ilə müqayisədə 2 min 210 hektar çoxdur. Səpin aparılmış sahələrin 11 min 721 hektarını buğda, 11 min 659 hektarını isə arpa sahələri təşkil edir. Məhsul istehsalçıları bundan sonra daha 2 min hektar sahəyə toxum səpməyi planlaşdırırlar.

Qeyd edək ki, biləsuvarlı əkinçilər ötən il 20 min 170 hektar sahədə payızlıq taxıl əkiblər.