AMEA-nın Nəsimi adına Dilçilik İnstitutunun aparıcı elmi işçisi, dosent Qüdsiyyə Qəmbərova Türkiyə Respublikasının Nevşehir Hacı Bəktaş Vəli Universitetində dahi Azərbaycan şairi və mütəfəkkiri İmadəddin Nəsiminin anadan olmasının 650 illik yubileyi ilə əlaqədar keçirilmiş beynəlxalq simpoziumda iştirak edib.
Dilçilik İnstitutundan AZƏRTAC-a bildirilib ki, Q.Qəmbərova simpoziumda “Nəsimi şeirlərində sözün təsəvvüfi mahiyyəti” mövzusunda məruzə ilə çıxış edib. O, həmçinin Nevşehir Hacı Bəktaş Vəli Universitetinin rektoru Mazhar Bağlıya müəllifi olduğu “Nəsiminin anadilli şeirlərinin diaxronik-dialektoloji tədqiqi” monoqrafiyasını, eləcə də “Azərbaycan dilinin Naxçıvan dialektoloji atlası”nı hədiyyə edib.
