Yüzlərlə iş-güc və məişət qayğılarının içində o qədər itib batırıq ki, fərqində olmadan gerçək arzu və istəklərimizin səsini beşiyindəcə boğmağa çalışırıq.
Publika.az bu yazıda oxuyucuları həyata bağlayan, yaşamaq eşqini artıran şüurun 30 təlimi ilə tanış edib.
1-ci gün - Dərkedilmiş nəfəs
Nə ilə məşğul olmağınızdan asılı olmayaraq yerinizdə donub qalın, nəfəs alaraq verin və bütün diqqəti bu texnikaya yönəldin. Belinizi dik saxlayıb dərindən nəfəs alın, sonra isə 3 dəfə nəfəs verin.
2-cü gün - Qucaqlaşmaq
Kimisə ürəkdən qucaqlayın və bu anın sizdə yaratdığı təəssüratlara köklənin.
3-cü gün - Sizi əhatə edən səslər
Bir neçə dəqiqə sizi əhatə edən səslərə qulaq verin, xüsusilə təbiətin nəfəsini dinləyin.
4-cü gün - Düşüncələri tanımaq
Düşüncələri hazırkı məşğuliyyətə kökləyin. Başqa fikirlərin işinizə müdaxilə etməsinə yol verməyin.
5-ci gün - Qiymətsiz iştirak
Elə bu dəqiqə emosiyaların dərinliyini dərk edin. Onları qiymətləndirməyin və tənqid etməyin, sadəcə dünyanın bir reallığı kimi qəbul edin.
6-cü gün - Bədənin nəzərdən keçirilməsi
Bədəninizin hər zərrəsini hiss edin. Öz hissiyatınızı bir neçə dəqiqə gözdən keçirin.
7-ci gün - Nəfəs konsentrasiyası
İş fasilələrində nəfəs ritminə nəzarət edin. Elə indi başlayın.
8-ci gün - Sığal və toxunuş
Sol əlinizin ovcu ilə sağ əlinizin barmaqlarına toxunun. Toxunuşu hiss etməyə bir neçə dəqiqə sərf edin.
9-cu gün - Dərin nəfəs
Dərindən nəfəs alın, ağciyərlərin genişləndiyini hiss edin. Qəfildən nəfəsi saxlayın. Bu məşqi bir neçə dəqiqə təkrar edin.
10-cu gün - Predmetə çevrilmə
Təsəvvür üçün hər hansı bir predmet seçin, daha sonra ona çevrildiyinizi təsvir edin, onun nə hiss etdiyini düşünün. Predmetlə kimlik yerdəyişməsi sizdə hansı duyğular oyadır?
11-ci gün - Rahatlaşma
Düz dayanın, 3 dəfə düzgün şəkildə nəfəs alıb-verin. Bədəninizdə gərginləşmiş yerləri sakitləşdirin.
12-ci gün - İşdən yayınma
Bir neçə dəqiqəlik işdən yayınmağa çalışın. Düşüncələrin izi ilə gedin, mümkün olduqca onları qeydə alın.
13-cü gün - Sevgi
Sevdiyiniz adamı fikirləşin. Yaddaşınızda sevgilinizlə bağlı olan hər anı gözdən keçirin.
14-cü gün - Əsinti
Gözlərinizi yumun. Dodaqlarınıza yaxınlaşdırdığınız ovcunuza yüngülcə üfürün. Bu zaman bütün diqqəti yaranmış hiss və emosiyalara yönəldin.
15-ci gün - Nəfəsi tutmaq
Nəfəs alıb onu bacardığınız qədər saxlayın. Nəfəsi buraxmadığınız müddətdə sizdə hansı düşüncə və təəssüratlar baş qaldırır?
16-cü gün - Gülümsəyin
Bədəndə gülüşdən doğan fikirlərin, emosiyaların yaratdığı dəyişikliklərə fokuslanın.
17-ci gün - Daxili mən
Gözləriniz bağlı halda daxili balansı hiss edin, daxili mənə yönəlin. Hansı fikirlər sizi müşayiət edir?
18-cü gün - Xatırlatma
Gün ərzində nəfəs texnikalarına nəzarət etmək barədə özünüzə xatırlatma edin.
19-cu gün - Dərk edilmiş cəlbedicilik
Kitab, yemək, geyim və s. hər hansı əşyanı qoxulayın. Gözlərinizi yumub, bütün fikri qoxuya istiqamətləndirin.
20-ci gün - Yüngül ağrı
Özünüzü yüngülcə çimdikləyin. Sızıltıya cavab olaraq yaranmış yüngül ağrını öyrənin.
21-ci gün - Bir səsə fokuslanmaq
Səslərə qulaq verin. Onlardan birini seçib gözləriniz bağlı halda ona fokuslanın. Fikrinizin başqa yerə yayılmasına icazə verməyin, bir istiqamətə köklənin.
22-ci gün - Vaxt
Saatda saniyə əqrəbinin hərəkət istiqamətini izləyin, diqqətlə vaxtın necə sürətlə axıb getməsinə baxın.
23-cü gün - Ağlınızda yaranan təəssüratlar
Gözlərinizi yumub bütün diqqəti ağlınızda gedən proseslərə kökləyin. Ağırlıq, yoxsa yüngüllük hiss edirsiniz?
24-cü gün - Düşüncə və emosiyalar
Gözləri yumub bütün diqqəti daxili mənin vəziyyətinə nəzər salın. Heç bir müdaxilə olmadan və qarışmadan onu kənardan izləyin.
25-ci gün - Xoş olmayan xatirələr
Xoşunuza gəlməyən adamı yada salın. Bu zaman meydana çıxan düşüncə və hisslərə nəzər salın.
26-cı gün - Heyvana çevrilmə
Özünüzü hansısa heyvan təsəvvür edin. Ürəkdən bu heyvanın səsini çıxardın. Daha sonra yaranmış duyğuları analiz edin.
27-ci gün - Səslərin bərpası
Ağzınız yumulu halda uğultulu səsi bərpa etməyə çalışın. Boğazınıdan dodağınıza, daha sonra başınıza doğru gedən vibrasiyanı hiss edin.
28-ci gün - Başqa insana çevrilmə
Yanınızda dayanan insana çevrildiyinizi təsəvvür edin. Özünüzü onun yerinə qoyun. Bu zaman nə hiss edirsinizsə, o duyğular üzərindən analiz edin.
29-cu gün - Hadisələrə başqa baxış bucağı
Tanış əşyalara elə baxın ki, onları sanki ilk dəfə görürsünüz. Onu diqqətlə, dərindən və xırdalıqlarına qədər süzün.
30-cu gün - Toxunuş
Nəyəsə toxunun. Bu toxunuşun sizdə oyatdığı təəssüratları izləyin. Daha sonra diqqəti təəssüratları necə izlədiyinizə yönləndirin.
Sübut olunub ki, şüurun təlimi təsiri antidepressant təsiri ilə müqayisə edilə bilər. Hətta bir günlük təlim yorğunluq və gərginliyi azaltmağa qadirdir.
