Avqustun 23-də Şəki rayonunun Kosalı kəndi yaxınlığında dağlıq zonada yerləşən meşəətrafı ərazidə kol-kos, quru ot və biçilmiş taxıl sahəsində başlamış yanğın Fövqəladə Hallar Nazirliyinin (FHN) müvafiq qüvvələri tərəfindən tam söndürülüb.
FHN-in mətbuat xidmətindən AZƏRTAC-a bildiriblər ki, yaxınlıqdakı meşə massivi yanğından mühafizə olunub.
Qeyd edək ki, ötən gün başlayan yanğının söndürülməsi işlərinə FHN-in Dövlət Yanğından Mühafizə Xidmətinin yanğın bölmələri və Mülki Müdafiə Qoşunlarının şəxsi heyəti cəlb edilib.
