"Liverpul"un baş məşqçisi Yurgen Klopp jurnalistlərin suallarını cavablandırarkən maraqlı anlar yaşanıb.

"İki sahil" qol.az-a istinadən xəbər verir ki, "Mançester Siti"yə 3:1 hesabı ilə qalib gəldikləri oyundan sonra ayaqüstü müsahibə verən Klopp əvvəlcə jurnalistin səhvini düzəldib.
 
Müxbirlərdən biri "UEFA-nın məşqçilər üçün olan konfransında Pepe ilə danışmısınızmı?" sualını verərkən, alman məşqşi "Pepe kimdir?" deyə soruşub, ardınca da  gülərək "Pepe yox, Pep Qvardiola" deyərək düzəliş edib. Arxadan Qvardiolanın gəldiyini görən Klopp gülməli tərzdə və pıçıltı ilə "Pep Qvardiola gəlir" deyərək qaçıb.