15 sentyabr 2020 15:03
556

Ölkəmizə gələn turistlər arasında sorğu keçirilib

Ötən il Dövlət Statistika Komitəsinin Tədqiqat və statistika sektoru tərəfindən ölkəni tərk edən turistlər arasında sorğu təşkil olunub.

Sorğu qonaqların Azərbayacan haqqında təsəvvürlərini anlamaq məqsədilə təşkil edilib. Sorğunun nəticələrinə əsasən, əcnəbi turistlər arasında ən məşhur regionlar Qəbələ, Quba, Şəki, Qusar, Şamaxı, Gəncə və Naftalan kimi şəhərlər olub. Ən məşhur görməli yerlər tarixi məkanlar (70 faiz) və məşhur abidələr (55 faiz) hesab olunub. Xarici turistlər əsasən şəxsi təhlükəsizlik və rahatlıq, yerli insanların mehribanlığı və yerli mətbəxin keyfiyyətindən məmnundurlar, yerləşdirmə vasitələri, suvenir və aviabiletlərin qiymətlərindən isə nisbətən narazıdırlar.

Sorğu dörd şəhərdə - Quba, Şəki, Lənkəran və Gəncədə həm xarici, həm də yerli turistlərlə üz-üzə müsahibələr əsasında aparılıb. Sorğu nəticələrinə əsasən hər şəhər üçün əsas turizm məkanları və turizm fəaliyyət növləri aşkar edilib. Həmçinin bu şəhərlərdə turistlərə yardım, turizm infrastrukturu, görməli yerlər, əyləncə və yerləşmə kimi bir sıra amillərlə əlaqədar qəp analizi aparılıb. //AZƏRTAC