12 iyul 2019 10:37
192

Subsidiyalar fermerlərə vahid mexanizm vasitəsilə çatdırılacaq

"Azərbaycanda fermerlərə subsidiya verilməsi ilə bağlı mexanizmi insan amili olmadan formalaşdırmaq istəyirik." Bunu jurnalistlərə açıqlamasında kənd təsərrüfatı nazirinin müavini İlham Quliyev deyib. 

"Hazırda yeni mexanizm üzərində iş gedir. Məqsədimiz bu işi şəffaf və elektron qaydada təşkil etməkdir", - deyə o qeyd edib. 

Xatırladaq ki, Prezident İlham Əliyev iyunun 28-də “Aqrar sahədə yeni subsidiya mexanizminin yaradılması haqqında” Fərman imzalayıb. Fərman gələn ildən subsidiyaların fermerlərə vahid mexanizm vasitəsilə çatdırılmasını nəzərdə tutur.