Masallı Rayon Mədəniyyət Mərkəzinin nəzdində fəaliyyət göstərən Xalq teatrının növbəti virtual tamaşa-kompozisiyası “Nizami Gəncəvi ili” ilə bağli idi. Tamaşa-kompozisiya teatrın sənət kollektivi və rayonun Dəmirçi kənd tam orta məktəbinin bir qrup istedadlı şagirdləri tərəfindən hazırlanıb, onlayın platforma vasitəsilə auditoriyaya gətirilmişdi. Dahi Azərbaycan şairi və böyük mütəfəkkir Nizami Gəncəvinin “Leyli Məcnun” poemasının motivləri əsasında təşkil edilmiş kompozisiyada saf, ülvi hisslər, dövrün əxlaq normaları, valideyn-övlad münasibətləri məktəblilərin ifasında bədii-yaradıcı üsullarla təsvir olunurdu.
Xalq teatrında "Nizami Gəncəvi İli" çərçivəsində belə maraqlı silsilə səhnə tədbirlərin vaxtaşırı təşkili nəzərdə tutulubdur. Kollektiv lap yaxın günlərdə isə yeni kompozisiyanı tamaşaçıların ixtiyarına verməyə hazırlaşır.
Zəfər Orucoğlu,
Azərbaycan Jurnalistlər Birliyinin üzvü