“Shell” şirkətinin köməkçi şöbəsi olan “Shell Offshore Inc.”  çirklənməyə səbəb olduğu üçün federal  hökumətə  2.2 milyon dollar maddi vəsait ödəyəcəyinə razılaşdığını bildirib.

Qeyd edək ki, 2016-cı ilin may ayında  şirkətə məxsus boru xəttində yaranan problem nəticəsində  1900 barrel neft sızaraq Meksika körfəzinə axmış və suyu çirkləndirmişdi.

“İki sahil” “nola.com”  saytına istinadən xəbər verir ki, cərimə Federal büro tərəfindən  hesablanaraq  elan edilib və 30 gün ərzində nəzərdə tutulan vəsait ödəniləcək.  Vəsait “Oil Spill Liability Trust” fonduna  təmizləmə işləri aparmaq üçün ödəniləcək. Əlavə olaraq, şirkət keçən ilin iyul ayında  təbiətə vurduğu zərərə görə də  3.9 milyon dollar pul ödəyəcək.