AVRO-2020-nin daha bir qrupunda 3-cü yerin sahibi bəlli olub.
“İki sahil” xəbər verir ki, Slovakiya E qrupunda 3-cü yeri tutub.
Bununla da 1/8 finala 4 vəsiqəyə iddiaçıların ümumi sayı 5-ə çatıb. Onlardan ikisi – Çexiya və İsveçrə öncədən pley-offa yüksəlib.
Ukrayna isə bugünkü qarşılaşmadan sonra 3-cü nəticəni göstərib. Ən azı iki komanda – Slovakiya və Finlandiyanı top fərqində qabaqlaması Ukraynanı 1/8 finala daşıyıb.
Slovakiya isə AVRO-2020 ilə vidalaşıb. 3-cü yerlə tur adlayacaq sonuncu komanda bu gün baş tutacaq son matçlarda bəlli olacaq. 1/8 finala ya Finlandiya, ya da F qrupunun üçüncüsü yüksələcək.