Bu gün Azərbaycan Premyer Liqasında 12-ci tura start verilib.
“İki sahil” xəbər verir ki, günün ilk matçında “Sabah” “Keşlə”ni qəbul edib.
Görüş ev sahiblərinin 2-1 hesablı qələbəsi ilə başa çatıb.
“Sabah”ın qollarını qarşılaşmanın 4-cü dəqiqəsində Amin Seydiyev (1:0), 12-ci dəqiqəsində isə Aleksey İsayev vurub. “Keşlə”dən isə Sadio Tounkara 47-ci dəqiqədə fərqlənib (2-1).
Günün son qarşılaşmasında da ev sahibləri sevinən tərəf olub.
Belə ki, "Səbail"i qəbul edən "Neftçi" Vüsal Əsgərovun 52-ci dəqiqədə vurduğu qolla 1-0 hesabı ilə məğlub edib.
Qeyd edək ki, 12 turun digər matçları 28-29 noyabr tarixlərində keçiriləcək.
27 noyabr (şənbə)
15:00. “Sabah” 2 – 1“Keşlə”
Qol: Amin Seydiyev, 4 (1:0), Aleksey İsayev, 12 (2:0), Sadio Tounkara, 47 (2:1)
Hakimlər: Rəşad Əhmədov, Rahil Ramazanov, Rəhman İmami, Rauf Allahverdiyev
“Bank Respublika Arena”
18:15. “Neftçi” 1 – 0 “Səbail”
Qol: Vüsal Əsgərov, 52
Hakimlər: Elçin Məsiyev, Elşad Abdullayev, Pərvin Talıbov, Fərid Hacıyev
“Bakcell Arena”
28 noyabr (bazar)
16:00. “Sumqayıt” – “Zirə”
Hakimlər: Rauf Cabarov, Cavanşir Yusifov, Nahid Əliyev, Rəvan Həmzəzadə
“Kapital Bank Arena”
29 noyabr (bazar ertəsi)
16:00. “Qəbələ” – “Qarabağ”
Hakimlər: Kamranbəy Rəhimov, Zöhrab Abbasov, Vüqar Bayramov, Namiq Bəkirov
Qəbələ şəhər stadionu