PSJ-nin futbolçusu Anhel Di Mariya karyerasını "Yuventus"da davam etdirəcək.

“İki sahil” xəbər verir ki, bu barədə goal.com məlumat yayıb. Tərəflər 2022-ci ilin iyul ayının 1-də qüvvəyə minəcək müqavilə üçün razılaşıblar. Turin klubu yaxında 34 yaşlı argentinalı yarımmüdafiəçi ilə sözləşmənin daha bir il uzadılması bəndi ilə bir mövsümlük müqavilə imzalayacaq. 

Qeyd edək ki, Di Mariya 2015-ci ildən PSJ-də oynayır. O, bu müddət ərzində 294 oyunda 92 qol vurub və 118 qolun ötürməsini verib. Oyunçu daha əvvəl “Mançester Yunayted”, “Real”, “Benfika” və “Rosario Sentral” kimi klublarda forma geyinib.