"Hazırkı proseslər postmünaqişə dövrüdür".

“İki sahil” xəbər verir ki, bunu Beynəlxalq Münasibətlərin Təhlili Mərkəzinin (BMTM) rəhbəri Fərid Şəfiyev BMTM-də 27 sentyabr - Vətən müharibəsi şəhidlərinin anım gününə həsr olunmuş dəyirmi masada çıxışı zamanı deyib.

O xatırladıb ki, təxminən 30 il ərzində Azərbaycan torpaqları işğal altında olub: "Erməni millətçiləri Dağlıq Qarabağ respublikasının olduğunu iddia edirdilər. Elə bilirdilər ki, biz bununla barışacağıq. Biz isə deyirdik ki, ərazi bütövlüyümüz təmin olunmalıdır. Torpaqlarımız işğaldan azad olundu. Artıq münaqişə bitib".

F.Şəfiyev deyib ki, Azərbaycan münaqişə gündəliyinə qayıtmır: "Çünki o vaxtkı gündəlik ATƏT-in Minsk Qrupunun çərçivəsində, Madrid prinsipləri çərçivəsində müəyyənləşmişdi. Amma ermənilər buna razı olmadılar. Bəlkə də, yaxşı oldu".

O bildirib ki, artıq yeni reallıq formalaşıb.