Rusiyanın Ermənistandakı səfirliyində müdafiə məsələləri üzrə yeni hərbi attaşe vəzifəsinə polkovnik Aleksandr Qoryanov təyin edilib.

Bu barədə "İki sahil” Ermənistan KİV-lərinə istinadən məlumat verir.

Ermənistanın müdafiə naziri Suren Papikyan Rusiyanın səfiri Sergey Kopırkinlə görüş keçirib. Diplomat nazirə yeni təyin olunmuş hərbi attaşeni təqdim edib.

Tərəflər, həmçinin ikitərəfli əməkdaşlıq və regional təhlükəsizlik məsələlərini müzakirə ediblər.