12 iyul 2019 14:50
163

Adnan Oktara 870 il həbs istənildi

Türkiyədə Harun Yahya adı ilə tanınan və özünü ilahiyyatçı adlandıran Adnan Oktara istənilən cəzanın müddəti bəlli olub.

Azvision.az Türkiyə mətbuatına istinadən xəbər verir ki, istintaqın tamamında ona 870,5 ilə qədər həbs istənilib. 

Türkiyə Respublika Prokurorluğunda vəkillər Sərdar Akan və Caner Baboğlu tərəfindən hazırlanan 4 min səhifəlik iddianamədə Oktarın etdiyi cinayətlərin siyahısı tərtib edilib. 

Onun haqqında günah işlətmək məqsədi ilə təşkilat qurmaq və idarə etməyə görə 9, siyasi cəsusluğa görə 20, cinsi istismara görə 78 , cinsi təcavüzə görə 255 il istənilib. 

Qəsdən adam öldürmə, şantaj və digər çoxsaylı cinayətləri nəzərə alınmaqla toplam 870,5 illik həbs tələb edilib. 

Qeyd edək ki, Adnan Oktar cinayət törətmək məqsədilə təşkilat yaratmaq, uşaqlara təcavüz, uşaqların oğurlanması, şantaj, siyasi və hərbi casusluq, dini inancdan istifadə edərək insanları aldatma, çirkli pulların yuyulmasında ittiham olunur. İstanbul daxil olmaqla 5 regionda aparılan əməliyyat nəticəsində Adnan Oktar tərəfdarı olduğu bilinən 235 nəfər saxlanılıb.