AMEA-nın Naxçıvan Bölməsinin Rəyasət Heyətinin ümumi yığıncağı keçirilib.
Naxçıvan Bölməsinin Mətbuat xidmətindən “İki sahil”ə verilən məlmata görə, iclasda bölmənin sədri, akademik İsmayıl Hacıyev bu qurumun Tarix, Etnoqrafiya, və Arxeologiya, İncəsənət, Dil və Ədəbiyyat, Bioresurslar və Təbii Ehtiyatlar institutlarının şöbə və laboratoriyalarına aparıcı və böyük elmi işçi vəzifələrini tutmaq üçün müsabiqə elanı barədə məlumat verib. O, elan üzrə müsabiqəyə bir elmlər, 12 fəlsəfə doktoru müraciət etdiyini bildirib.
Daha sonra seçkilərin keçirilməsi üçün hesablayıcı komissiya yaradılıb. Komissiyanın sədri bölmənin Tarix, Etnoqrafiya və Arxeologiya İnstitutunun direktoru, AMEA-nın müxbir üzvü Fəxrəddin Səfərli seçilib.
Sonra gizli səsvermə yolu ilə seçilən əməkdaşlar Rəyasət Heyətinin qərarı ilə təsdiq olunublar.
