25 yanvar 2019 20:31
185

Azərbaycan ən çox hansı ölkəyə elektrik enerjisi ixrac edir?

Azərbaycan ən çox Gürcüstana elektrik enerjisi ixrac edir. Bu barədə Trend-in sorğusuna cavab olaraq "Azərenerji" ASC-dən deyiblər.

Bildirilib ki, 2018-ci ildə enerji sisteminin ötürücü şəbəkə sisteminə idxal olan elektrik enerjisinin ümumi həcmi 99,2 mln. kVts təşkil edib.

İxrac olunan elektrik enerjisinin ümumi həcmi isə 1 413,2 mln. kVts təşkil edib. O cümlədən Rusiyaya 121,4, Gürcüstana 1 230,1, Türkiyəyə 13,4, İrana 48,3 mln. kVts elektrik enerjisi ixrac olunub.

Qeyd olunub ki, enerji sistemi üzrə idxal-ixracın saldosu 1 314 mln. kVts təşkil edib. 2019-cu ildə ixracın 1500 mln kvts ixrac edilməsi planlaşdırılır.