14 may 2019 19:30
311

Azərbaycan məhsulları “Sial China 2019” sərgisində

Mayın 14-də Çin Xalq Respublikasının Şanxay şəhərində “Sial China 2019” Beynəlxalq sərgisi öz işinə başlayıb.

“İki sahil” xəbər verir ki,  mayın 16-dək davam edəcək sərgidə İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan ixrac missiyasına daxil olan 12 şirkətimiz məhsullarını “Made in Azerbaijan” vahid ölkə stendində nümayiş etdirir.

Qeyd edək ki, Azərbaycan şirkətləri “Sial China 2019” Sərgisinə böyük maraq göstərirlər. Belə ki, Sərgidə qeyd edilən şirkətlərlə yanaşı, əlavə olaraq 7 Azərbaycan şirkəti fərdi qaydada iştirak edir. Bundan əlavə, Çinin Şanxay və Urumçi şəhərlərində fəaliyyət göstərən ticarət və şərab evləri vasitəsilə də Azərbaycan məhsulları “Made in Azerbaijan” vahid ölkə stendində nümayiş olunur.

Sərgi çərçivəsində Azərbaycan sahibkarları xarici ölkələrdən olan həmkarları ilə görüşlər keçirəcək, məhsulların satışına dair müzakirələr aparacaqlar.