Bunu Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı "Dinlərarası dialoq və radikalizmlə mübarizə" mövzusunda keçirilən II Beynəlxalq konfransda çıxışı zamanı deyib.
DQİDK sədri bildirib ki, Yeni Zelandiya, Şri Lankada baş verən hadisələr kimi terror əməllərinin kökünü kəsmək bəşəriyyətin qarşısında duran bir nömrəli məsələlərdəndir:
"Müxtəlif dinlərin və mədəniyyətlərin birgəyaşayışına nümunə olacaq ölkələr arasında Azərbaycan çox mühüm yer tutur. Azərbaycanda multikultural dəyərlər dövlət səviyyəsində qorunur. Bu gün Azərbaycan Prezidentinin siyasətində tolerant dəyərlər çox ciddi şəkildə mühafizə olunur. Azərbaycanda bu gün 32 qeyri-müsəlman dini icması fəaliyyət göstərir. Ölkədə dini etiqad azadlığı tam təmin edilib".
