Livanın Beyrut limanında baş verən partlayış paytaxt boyu dağıdıcı şok dalğaları yaradaraq dəniz kənarındakı binaları çökdürüb və böyük bir ərazini viran qoyub.

BBC ən azı 139 nəfərin ölümü, beş minə yaxın insanın yaralanması ilə nəticələnən hadisədən sonra və əvvəlki görüntüləri paylaşıb.

Peyk və hava görüntüləri müharibə nəticəsində bu cür mənzərələrə daha çox alışmış bir şəhərə qəzanın vurduğu zərərin dərəcəsini göstərir. Beyrutdakı partlayış limanda dərman anbarını zədələyib, ən böyük dializ mərkəzi tamamilə məhv olub.

Partlayışın nəticələri ölkədə 1975-1990-cı illər vətəndaş müharibəsinin yaratdığı dağıntı ilə müqayisə edilir. //Oxu.az