20 yanvar 2021 20:46
587

Böyük Britaniyada bir gündə 1610 nəfər həyatını itirib

Böyük Britaniyada son 24 saat ərzində koronavirusdan 1610 nəfər həyatını itirib. Bu, pandemiya başlayandan bəri ən böyük göstəricidir. Krallıqda 33 min 355 nəfərin isə koronovirus testi müsbət olub.

Buna baxmayaraq, ölkədə 4 milyon 62 min 501 nəfərə peyvənd vurulub. Ölkədə dekabr ayının ortalarından başlanılan peyvənd kampaniyası surətləndirilib. Belə ki, bəzi xəstəxanalarda günün 24 saatı və həftənin hər günü peyvənd olunmaq mümkün olacaq. Bu proses 10 gün müddətində sınaqdan keçiriləcək.

Qeyd edək ki, Böyük Britaniyada “Pfizer/BioNTech”, “Oksford Universiteti və AstraZeneca” və “Moderna” peyvəndləri qeydiyyatdan keçib.