Kanadanın Kvebek şəhərində yerləşən “Hotel de Glace” film və seriallar üçün ən çox seçilən otellərdən biridir. Hər il bir neçə həftəlik iş nəticəsində yenidən qurulan oteldə cəmi 44 otaq var. "De Glace" otelinin sahəsi 3900 kvadrat metrdir.

“İki sahil” xəbər verir ki, mövsüm ərzində 100 min müştəri qəbul edən otel hər il buz və qardan tikilir, sonra sökülür.

Buzlu şərab təklif etməklə qonaqlarını salamlayan “Hotel de Glace”də göyü seyr edə biləcəyiniz cakkuzi, buz slaydı, təsirli qar qübbələri var. Oteldə təşkil olunan turlarla hər il otelin necə qurulduğuna dair bir təsəvvürə sahib ola bilərsiniz və buz emalatxanasında təşkil olunan kurslara qatılaraq buzdan qədəhin necə hazırlanacağını öyrənə bilərsiniz.