“Çelsi” növbəti mövsüm üçün transfer planlarını hazırlayıb.

"İki sahil" xəbər verir ki, İngiltərə klubu “transfer pəncərə”sində 100 milyon funt-sterlinq xərcləməyi planlaşdırır.

Klub rəhbərliyi oyunçu keçidləri üçün məhz bu qədər pul xərcləmək fikrindədir. Baş məşqçi Frenk Lempard da buna uyğun siyahı müəyyənləşdirib. Gənc mütəxəssis Dortmund “Borussiya”sından Ceydon Sanço, “Leypsiq”dən Timo Verner və “Lester”dən Ben Çilvelli ixtiyarında görmək niyyətindədir. “Zadəganlar” oyunçu satışından əldə ediləcək gəliri də yeni transferlərə xərcləyəcək.

Qeyd edək ki, “Çelsi” İngiltərə Premyer Liqasında 29 turdan sonra 4-cü pillədə (48 xal) qərarlaşır.//apa