Bu gün Çempionlar Liqasında 2018/2019 mövsümünün 1/4 və 1/2 final mərhələsinin püşkü atılıb.

"İki sahil" Qol.az-a istinadən xəbər verir ki, İsveçrənin Nyon şəhərindəki tədbirdə hər iki mərhələnin cütlükləri müəyyənləşib.

Çempionlar Liqası

1/4 final mərhələsi

"Ayaks" (Hollandiya) - "Yuventus" (İtaliya)

"Liverpul" (İngiltərə) - "Portu" (Portuqaliya)

"Tottenhem" (İngiltərə) - "Mançester Siti" (İngiltərə)

"Barselona" (İspaniya) - "Mançester Yunayted" (İngiltərə)


1/2 finalda mərhələsində qarşılaşacaqlar

"Tottenhem" - "Mançester Siti" / "Ayaks" - "Yuventus" 

"Barselona" - "Mançester Yunayted" / "Liverpul" - "Portu" 

Qeyd edək ki, 1/4 final mərhələsində ilk oyunlar aprelin 9-10-da, cavab qarşılaşmaları isə 16-17-də keçiriləcək. Yarımfinalda isə ilk görüşlər 30 aprel-1 may, cavab matçları isə 7-8 may tarixlərində olacaq.

Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku çərçivəsində yarışların ikinci gününə start verilib.

Trend-in məlumatına görə, bu gün kişilər təsnifat mərhləsində dayaqlı tullanma, dəstəli at, turnik, qadın idmançılar isə gimnastika tiri, sərbəst hərəkətlər üzrə tapşırıqları yerinə yetirirlər.

Günün sonunda mükafatlandırma mərasimi olacaq, həmçinin ən yüksək icra xalını toplamış gimnastlara ənənəvi “AGF Trophy” Kuboku təqdim ediləcək.

Martın 17-nə qədər davam edəcək yarışların ilk günündə təmsilçilərimizdən Murad Ağarzayev (sərbəst hərəkətlər), Nikita Simonov (halqalar) və Marina Nekrasova (dayaqlı tullanma) final mərhələsinə vəsiqə qazanıblar.

Dördgünlük turnir Tokio-2020 Yay Olimpiya Oyunlarına vəsiqə qazanmaq istəyən gimnastlar üçün mühüm keçid rolunu oynayacaq. Belə ki, olimpiyadaya təsnifat xarakterli bu yarışda iştirak etmək üçün 41 ölkə qeydiyyatdan keçib. Medallar və lisenziya xalları uğrunda isə 121 kişi və 49 qadın idman gimnast mübarizə aparır.