07 avqust 2019 14:46
108

Elxan Məmmədov: "APOEL" üzərində qələbə Azərbaycan futbolu üçün çox vacib nailiyyətdir

“APOEL" üzərində qələbə “Qarabağ” üçün, ümumilikdə Azərbaycan futbolu üçün çox vacib nailiyyətdir”.

"İki sahil" “Report”a istinadən xəbər verir ki, bunları AFFA-nın baş katibi Elxan Məmmədov “Qarabağ”ın Çempionlar Liqasının III təsnifat mərhələsində "APOEL"i Kiprdə 2:1 hesabı ilə məğlub etdiyi ilk oyun haqda danışarkən deyib.

Milli assosiasiyanın rəsmisi qələbə münasibətilə “Qarabağ” klubunu təbrik edib: “Heç bir halda arxaynlaşmaq olmaz. Cavab oyununa çox ciddi hazırlaşmaq lazımdır. Təbii ki, mərhələni keçmək üçün hər iki oyunda qələbə qazanmaq vacibdir. Ümid edirəm və inanıram ki, “Qarabağ” Bakıda doğma azarkeşləri qarşısında da səfərdə olduğu kimi yüksək keyfiyyətli oyun göstərərək növbəti mərhələyə vəsiqəni təmin edəcək. Bir daha bütün “Qarabağ”lıları təbrik edirəm”.

Qeyd edək ki, avqustun 13-də Tofiq Bəhramov adına Respublika stadionunda keçiriləcək “Qarabağ” – "APOEL" oyunu saat 20:30-da başlayacaq.