Filippin Rusiyanın istehsal etdiyi “Sputnik V” koronavirus vaksininin kliniki sınaqlarına oktyabr ayında başlamağı planlaşdırır.
Trend-in məlumatına görə, bunu ölkə prezidentinin mətbuat katibi Harri Rok deyib.
O bildirib ki, həmin vaksinin sınaqlarının üçüncü mərhələsi Filippində Rusiya ilə birgə keçiriləcək. Sınaqların müddəti oktyabrdan mart ayınadək davam edəcək.
Sınaqlar birinci və ikinci mərhələlərin nəticələrinin təhlilindən sonra başlayacaq. Bu, uğurla başa çatarsa, 2021-ci ilin aprelində Filippin vaksini qeydiyyata alacaq.
