12 may 2019 12:22
180

Gizli məzarlıqlardan 35 meyit tapıldı

Meksikanın Halisko ştatında üç gizli məzarlıqdan ümumilikdə 35 meyit tapılıb.

"Report" xəbər verir ki, bunu ştat prokuroru Herardo Oktavio Solis deyib.

Daha çox cəsəd Sapopan bələdiyyəsindəki ranço ərazisində aşkar edilib.

"Orada vaxtikən azadlıqdan məhrum edilmiş 27 nəfərin meyiti olub. Hələ ki, iki nəfərin meyiti tanınıb", - deyə "Universal" portalı Solisin sözlərini sitat gətirib.

O bildirib ki, rançoda ekspertlərin işi davam edir və bu səbəbdən meyitlərin sayının artacağı istisna edilmir.