Son günlər Azərbaycanın siyasi palitrasında bir neçə mövzu xüsusi aktuallığı ilə seçilir.Azərbaycanın regional siyasəti, Dağlıq Qarabağ münaqişəsinin həlli istiqamətində atılan addımlar, enerji təhlükəsizliyi, Azərbaycan-Türkiyə birgə hərbi təlimləri və Sebiya ilə ikitərəfli əməkdaşlıq məsələləri də bu qəbildəndir.
Trend-in məlumatına görə, avqustun 11-də Azərbaycan Televiziyasının efirində yayımlanan “Hədəf” verilişində də bu mövzular müzakirə obyekti olub. Milli Məclisin deputatı Elşad Mirbəşiroğlu və politoloq Zaur Məmmədov gündəmin prioritetləri ətrafında geniş fikir mübadiləsi aparıblar.