Almaniya təmsilçisi "Herta"nın futbolçusunda koronavirus aşkarlanıb.

"Report" klubun rəsmi saytına istinadən xəbər verir ki, adı açıqlanmayan oyunçunun testi müsbət nəticə verib. 

Komandanın bu günə məşqi planlaşdırılıb, lakin futbolçu simptomlardan şikayət edib. Klub dərhal onu komandadan kənarlaşdırıb. Bütün oyunçulara və məşqçi heyətinə 14 günlük karantinin tətbiq ediləcəyi açıqlanıb.

Qeyd edək ki, Almaniya Bundesliqasının oyunları koronavirusa görə dayandırılıb.