Almaniyanın Əmək Nazirliyi bəzi belçikalılara nasist qoşunlarında qulluğa görə hələ də pensiya ödənildiyi barədə Belçika KİV-lərinin yaydığı məlumatı yoxlayır.

AZƏRTAC Interfax informasiya agentliyinə istinadla xəbər verir ki, bunu nazirliyin mətbuat xidmətinin nümayəndəsi Yarmila Şnayder bildirib. “Biz bu barədə aldığımız çoxsaylı jurnalist sorğularından xəbər tutmuşuq. Hələlik heç nə deyə bilmərəm, biz vəziyyəti aydınlaşdırırıq”, - Şnayder belə deyib.

Fevralın 19-da Belçikanın “DeMorgen” qəzeti nasist Almaniyası tərəfində döyüşən 27 belçikalıya və ya onların varislərinə 1941-ci ildə Adolf Hitlerin əmri ilə təyin olunan pensiyanın indiyə qədər indiyədək ödənilməsi barədə məlumat yayıb. Qəzetin yazdığına görə, hazırda pensiyanın məbləği 425 avrodan 1275 avroya qədərdir.