Suyun təmizlənmə sistemi
Hindistan əhalisinin mütəmadi olaraq içməli su çatışmazlığından əziyyət çəkdiyi ölkələrdən biridir. Demək olar ki, bu ölkənin çaylarının 80% -dən çoxu tullantılar, təhlükəli bakteriyalar və zibillərlə çirklənmişdir. Hindistanın palçıqlı suyundan bəzən istifadə edirlər və buna son qoymaq istəyən 14 yaşlı Dipiki Kurupun maraqlı ixtirası bu problemi aradan qaldıra bilər. 14 yaşlı qızcığaz günəş enerjisi ilə işləyən su təmizləmə sistemini icad edib.
Süzülmüş suyun gümüş fotokatalizator vasitəsi ilə günəş işığına məruz qalması əksər bakteriyaların 15 dəqiqə ərzində 100% məhv olması ilə nəticələndi. Bu yeni ixtirasına görə Dipiki Kurupa 25 min dollar mükafat verildi.
Ucuz əl protezi
Bir çox əlil insanlar protez almaq üçün uzun illər ərzində növbədə gözləməli olurlar, çünki adətən bu protezlərin qiyməti çox baha olub və kasıb insanlar onları ala bilmir. Beləliklə, belə insanlara dəstək olmaq üçün 2019-cu ildə rusiyalı qız Dariya Semina əl üçün biyonik protez hazırladı. Onun hazırladığı bu protez bütün hərəkətləri yerinə yetirməyə qadirdir və ən əsası əlil insanların həyatını dəyişdirməyə qadirdir. Bu protez 3D çap printerində plastikdən hazırlanmışdı. Bu əl protezini hazırlayan Darinanın cəmi 3 min rubl xərci çıxmışdır.Tam hazır olan bu implantın qiyməti təxminən 15 min rubl olacaq və bu, mövcud modellərdən daha ucuzdur. Edilən bu ixtiradan sonra əlillər bir neçə il ərzində protezlərlə tam təmin oluna bilər.
Metronu su daşqınlarından qoruyan mühafizə sistemi
Hamımızın bildiyimiz kimi, 2012-ci ildə baş verən dağıdıcı "Sandy" qasırğası Nyu-York metrosunun 25% -ni basdıqdan sonra amerikalılar gələcəkdə oxşar hadisələrin təkrarlanmaması üçün müxtəlif yollara əl atdılar. Lakin iki 17 yaşlı gəncin etdiyi bir ixtira bu problemi kökündən çözdü. 2016-cı ildə Kayl Mitra və Raymond Janis tənzimlənən qapağı olan bir metal barmaqlıq modeli hazırladılar. Qatar hərəkət etdikdə, təmiz hava ilə təmin etmək üçün dəmir barmaqlıqların bir hissəsi qaldırılır. Fövqəladə hallarda həmin dəmir barmaqlıqlar bağlanaraq, su axınına mane olur.
Metronun bu barmaqlıqlar ilə modernləşdirilməsi daşqınlardan mühafizə olunmaq üçün əlverişli ola bilər və bu sistem təmirdən nisbətən ucuz başa gələcək. Bundan əlavə, bu sistem Moskvadan Şanxaya qədər dünyanın istənilən metrosunda quraşdırıla bilər.
Yırtıcılardan qorunma sistemi
Afrikada aslanlar tez-tez heyvanlara hücum edirlər. Bu problem bir çox ailəyə təsir edir, çünki əksəriyyəti odlu silah ala bilmir. Bundan əlavə, aslanlar" Qırmızı Kitaba "daxil olub və onları vəhşicəsinə öldürmək qadağandır, buna görə də Afrikada yaşayan əhali onlardan qorunmaq üçün başqa yollara əl atmalıdır.
13 yaşlı keniyalı Riçard Turere bu problemin orijinal bir həllini tapdı. Aslanların yalnız qaranlıqda hücum etdiyini görən yeniyetmə ,onların işıqdan qorxduğunu gördükdən sonra oğlan hər tərəfə günəş işığını xatırladan neon lampalarını asdı.
Onun tərtib etdiyi bu sistem gecə saatlarında işə salınaraq, gün doğana qədər işləyirdi. Bir yeniyetmə tərəfindən edilən bu ixtira bütün Keniyada məşhur oldu.
Galaktikolet
Rusiyalı məktəbli Ekaterina Truşeva maraqlı bir layihə hazırlayıb. Onun iddialarına görə, hazırladığı kosmik gəmi vasitəsilə insanlar ən yaxın ulduz sistemi olan Alfa Sentavraya 50 min il ərzində deyil,42 ilə çata bilərlər.
Belə bir model qeyri-real görünsə belə, buna baxmayaraq, Ekaterina "NASA Rover Challenge" şirkətinə dəvət olunmuş üç rusiyalıdan biri oldu.Layihəsini bütün dünyaya göstərən məktəblinin bu ixtirası almanlar tərəfindən bəyənildi. Onların düşüncələrinə görə, bu layihəni tamamlamaq üçün çox az iş qaldı.
Samirə Tağıyeva, "İki sahil"