Çili milli komandasının və İtaliyanın “İnter” futbol klubunun hücumçusu Aleksis Sançes zədələnib.
AZƏRTAC xəbər verir ki, 30 yaşlı hücumçu Kolumbiya ilə yoldaşlıq görüşündə (0:0) sıradan çıxıb. Görüşün ikinci hissəsində zədələnən futbolçu oyunu davam etdirə bilməyib. Sançesin zədəsi ciddi olduğuna görə, o gələn ilin yanvarınadək meydana çıxa bilməyəcək.
Qeyd edək ki, “İnter”də icarə əsasında çıxış edən hücumçu cari mövsümdə İtaliya təmsilçisində keçirdiyi 4 oyunda bir dəfə fərqlənib.