Bu ilin yanvar-may ayları ərzində Azərbaycan Dövlət Neft Fonduna (ARDNF) Xəzərin Azərbaycan sektorunda yerləşən "Azəri-Çıraq-Günəşli" yataqlar bloku üzrə mənfəət neftinin və “Şahdəniz” qaz-kondensat yatağından hasil edilən kondensatın satışından 2 milyard 106 milyon ABŞ dolları daxil olub.
Bu barədə "İki sahil"ə ARDNF-dan məlumat verilib.
Bildirilib ki, bu məbləğin 120 milyon dolları “Şahdəniz” qaz-kondensat yatağından hasil edilən kondensat satışının payına düşüb.
“Şahdəniz” qaz-kondensat yatağından hasil edilən qazın satışından daxil olan vəsaitin həcmi isə 66 milyon ABŞ dolları təşkil edib.