Avrokuboklarda qrup mərhələsinin 4-cü turunun oyunlarından sonra klubların yeni UEFA reytinqi açıqlanıb.
“İki sahil” qol.az-a istinadən xəbər verir ki, cədvəldə müəyyən dəyişikliklər olub.
Avropanın ən yaxşı 100 komandası sırasında Azərbaycandan yalnız "Qarabağ" yer alıb. Ağdam təmsilçisi 21,000 xalla 65-ci yerə şərikdir.
"Qarabağ" ötən gecə “Sivasspor”a 2:3 hesabı ilə uduzduğu oyuna qədər 65-66-cı yerləri bölüşürdü. Artıq “Feyenoord” da təmsilçimizə şərik olub. Niderland klubu “Qarabağ” və “Styaua”ya (Rumıniya) çatıb.
Qeyd edək ki, reytinq cədvəlinə 124,000 xalla “Bavariya” başçılıq edir.